Ерөнхий сайд Г.Занданшатар 10-р сарын 29-нд Шадар сайд С.Амарсайханыг Хариуцлагын гэрээ зөрчсөн тул албан тушаалаас нь огцруулсан билээ. Энэ тухайгаа Засгийн газрын хуралдааны эхэнд мэдэгдэн Ерөнхий Сайд: “Бид хуулийн хүрээнд, Үндсэн хуулийн хүрээнд үйл ажиллагаа явуулж байгаа.Арга зүйн хувьд тэгж байгаа ч зорилго нь буруу, албан тушаалын төлөө өс хонзонгийн сэдэлтэй, хууль бус аргаар, Үндсэн хуулийн бус аргаар төрийн эрхийг авах гэсэн ийм үйл ажиллагаа даамжирсан.
Харамсалтай нь, энэ үйл ажиллагаанд манай зарим сайд нар оролцож, гарын үсэг зурж, уриалж, гишүүдийг дарамталж ажилласан.
Тийм учраас одоо би Шадар сайд Амарсайхан сайдыг ажлаас чөлөөлж байгаагаа өнөөдөр мэдэгдэж байна.” гэсэн юм. Хачирхалтай нь С.Амарсайхан Шадар Сайдаас огцорсоноосоо хойш УИХ-ын чуулганы нэгдсэн хуралдаанд суухаа больсон байна. Ерөнхий Сайд асан Л.Оюун-Эрдэнэ, УИХ-ын дарга асан Д.Амарбаясгалан, УИХ-ын дэд дарга асан Х.Булгантуяа нар мөн албан тушаалаасаа огцорсоноосоо хойш УИХ-ын чуулганы хуралд суухаа больсон билээ.
С.Сарнай
Soninmn
Сэтгэгдэл бичих post